បែកធ្លាយសំឡេង ចាស់ទំនើង ខាន់ សុវណ្ណ គំរាមវាយព្រះកេសព្រះតេជគុណ ជួន កក្កដា​ ព្រោះ....

ចាស់ទំនើង ខាន់ សុវណ្ណ ដែលជាមនុស្សសល់ពីសម័យខ្មែរក្រហម បានបង្ហោះសារសំឡេង​បែបគំរាមកំហែងចំពោះព្រះតេជគុណ ជួន កក្កដា ថា នឹងវាយព្រះកេសលោក​ឲ្យទទួលស្គាល់​កំហុសដែលថា លោកនឹងបង្រៀនសិស្សគណមិនឲ្យទៅធ្វើកម្មករសំណង់ទេ ។ ការដែលតា ខាន់ សុវណ្ណ តវ៉ាជំទាស់នេះ ព្រោះប្រទាំងទាស់នឹងគោលបំណងដែលគាត់ចង់បានកាលពីពេលមុនថា គាត់ស្នើសុំឲ្យផ្សឹកព្រះសង្ឃទាំងអស់ទៅធ្វើកម្មករសំណង់ ។

តាមធម្មតា ឪពុកម្តាយណាខ្លះចង់ឲ្យកូនខ្លួនឯងលំបាក ចង់ឲ្យកូនខ្លួនឯងទៅធ្វើកម្មករសំណង់ លុះត្រាតែអស់ជម្រើសប៉ុណ្ណោះ ព្រោះឪពុកម្តាយដឹងថា ការធ្វើកម្មករសំណង់ គឺជាការងារប្រើកម្លាំង​បាយ មិនមែនជាការងារប្រើកម្លាំងខួរក្បាលទេ ។

យើងគួរតែស្ងើចសរសើរព្រះអង្គ ជួន កក្កដា ដែលសុខចិត្តប្រឹងប្រែងគ្រប់បែបយ៉ាង​ដើម្បីអនុគ្រោះ​សាមណេរតូចៗរាប់រយអង្គឲ្យបានសិក្សារៀនសូធ្យដើម្បីរំដោះខ្លួនឯងចេញពីអវិជ្ជា ឧបមាថា សាមណេរវត្តប្រាសាទនាងខ្មៅមានចំនួន ២០០ អង្គ មានន័យថា ឪពុកម្តាយរបស់សាមណេរ​មានរហូតដល់ ៤០០ នាក់ ឪពុក ២០០ នាក់ ម្តាយ ២០០ នាក់  សួរថាតើឪពុកម្តាយ​របស់​សាមណេរទាំង ២០០ អង្គ សុខចិត្តឲ្យកូនរបស់ខ្លួនទៅធ្វើសំណង់ដូចការចង់បានរបស់តា ខាន់ សុវណ្ណឬទេ?

ពួកគាត់ប្រាកដជាឆ្លើយថា ពួកគាត់មិនចង់ឲ្យកូនៗរបស់ពួកគាត់លំបាកដូចពួកគាត់ទេ ព្រោះទឹកចិត្ត​របស់ឪពុកម្តាយតែងស្រឡាញ់កូន ព្រោះហេតុនេះឯង ពួកគាត់ទើបឲ្យកូនបាន​បួសរៀននៅ​ក្នុងសម្នាក់រៀនវត្តប្រាសាទនាងខ្មៅ ពួកគាត់ជឿទុកចិត្តលើព្រះតេជគុណ ជួន កក្កដា ទាំងព្រះតេជ​គុណ ជួន កក្កដា ក៏ប្តេជ្ញាតស៊ូយ៉ាងក្រាញននៀលដើម្បីឲ្យសាមណេរតូច ៗ បានសិក្សា​រៀនសូធ្យ​ឲ្យខ្ពស់តាមដែលអាចធ្វើទៅបាន

ឃើញថា ព្រះតេជគុណ ជួន កក្កដា ចាត់ជាព្រះសង្ឃគំរូ ១ អង្គក្នុងចំណោមរាប់រយពាន់អង្គទៀត​ដែលប្តេជ្ញាជួយអភិវឌ្ឍធនធានមនុស្សរបស់ប្រទេសជាតិ ផ្ទុយទៅវិញ តា ខាន់ សុវណ្ណ បានប្រមាថមើលងាយទឹកចិត្តសន្តោស​ប្រោសប្រណីនិង​សេចក្តីប្តេជ្ញា​ចិត្ត​របស់ព្រះតេជគុណ ជួន កក្កដា យ៉ាងធ្ងន់ធ្ងរ ដែលទង្វើប្រមាថកាតទាននេះ​ត្រូវតែមានទោស​តាមច្បាប់ក្នុងសង្គមនីតិរដ្ឋ ៕

ទស្សនាឃ្លិបខាងក្រោម

ប្រភព ៖ Cambodian Monks Network for Buddhism