អ្នកគាំទ្របក្សជួងត្រួញត្អែពីការចំណាយលុយលើកផ្លាកខុសគោលដៅ លាយឡំដោយការប្រមូលលុយពីអ្នកគាំទ្រ.....

កាលពីពេលថ្មី ៗ នេះ បក្សជួងបានលើកផ្លាកយ៉ាងធំនៅខេត្តតាកែវ ដើម្បីបង្ហាញថា​ បក្សបានរីកធំសម្បើមណាស់ តែធាតុពិតមិនដូច្នោះទេ គឺ លើកផ្លាកដើម្បីរៃអង្គាសប្រាក់ពីអ្នកគាំទ្រ ដោយលើកផ្លាកអស់ ៤ ម៉ឺនដុល្លារ​ ប៉ុន្តែរៃអង្គាសប្រាក់ពីអ្នកគាំទ្របាន ១៣ លានរៀលវិញ ឃើញថា លោក ខឹម វាសនា​ នៅតែឆ្លៀតឱកាសប្រមូលលុយពីអ្នកគាំទ្រដដែល ។

អ្នកគាំទ្រម្នាក់បាននិយាយថា ប្រធានបក្សចំណាយប្រាក់មិនចំគោលដៅ ដែលមានសំណេរ​ដូចខាងក្រោម ៖

លើកផ្លាក់ធំចាយលុយច្រើនណាស់ លើកបាន៣ទៅ៥ ខែ កៅស៊ូចាស់ត្រូវដូរថ្មី បាន១ទៅ២ឆ្នាំ ដែកជ្រេះត្រូវដូរថ្មី ការចំណាយត្រូវបន្តជាហូរហែ ការខ្វាយខ្វល់មើលការពារជាប្រចាំ។ លុយលើកផ្លាកយក្សធំចឹង យ៉ាងតិចក៏ ១ ទៅ ៥ ពាន់ដុល្លាដែរ ខ្ញុំរាងទើសបន្ទិច ខ្ញុំតែងលឺពាក្យថា​ធ្វើទៀនដោយបញ្ញា ពិតមានប្រយោជន៏ត្រូវកាល ផ្លាកធំបញ្ឍរចោលគ្មាន​ប្រយោជន៏ដល់​ការពង្រីកសន្តានល្អរបស់បក្សទេ វាបានតែបង្ហាញកិលេសអួតគេថាអញធំអញសាមគ្គី អញមានការចូលរួមច្រើន តែខ្មែរមើលផ្លាក់ហើយ នៅតែមិនយល់ថាបក្សនិងល្អត្រង់ណាដែរ។

គំនិតខ្ញុំ ប្រសិនយកលុយធ្វើផ្លាកទៅសងសាលារៀន ឬបន្ទប់រៀនអោយក្មេងតាមមូលដ្ឋាន សងផ្ទះអោយអ្នកគ្មានជំរក ជីកអណ្ដូងទឹកអោយអ្នកខ្វះខាត ជាទង្វើជួយដ៏បរិសុទ្ធ​មិនដឹងកេរ៏ឈ្មោះល្អដល់បក្សប៉ុណ្ណាទេ មិនដឹងខ្មែរចាប់ផ្ដើមយល់​ថាបក្សនេះ​មានសន្តាន​ចិត្តល្អប៉ុណ្ណាទេ មិនដឹងពួកកាច់មូលបក្សវាខ្មាសបក្សប៉ុណ្ណាទេ មិនដឹងមន្រ្តី​បក្សកាន់​អំណាច​សរសើបក្សប៉ុណ្ណាទេ មិនដឹងថាខ្មែរតាមដានបក្សប៉ុណ្ណាទេ គិតលើទង្វើត្រូវផលគឺព្រើលរោមប៉ះសក់ វាជាសិល្បៈនាំអោយដល់គោលដៅ។ សរសេរហើយធ្វើការធ្វើមិនដឹង អត់មានឈឺចាប់​និងរឿង​លើកផ្លាកទេ គ្រាន់តែស្ដាយលុយ ចាយមិនចំគោលដៅ ។

គ្រាន់តែគាត់និយាយពីការចំណាយខុសគោលដៅនោះ ពួកផ្កាប់មុខបក្សជួងបានចោម​រោមជេរប្រទេចគាត់យ៉ាងព្រោងព្រាត វាឆ្លុះបញ្ចាំងថា បក្សជួងចាប់ផ្តើមលែងទុកចិត្តគ្នា គ្មានអ្នកណានិយាយអ្វីផ្សេងក្រៅរង្វង់បក្សបានទេ ពុំនោះទេ នឹងទទួលរងការជេរប្រមាថ គិតទៅ វប្បធម៌ជេរប្រមាថរបស់លោក ខឹម វាសនា ពិតជាមានឥទ្ធិពលចំពោះយុវជន LDP ពិតមែន ធ្វើឲ្យពួកគេលែងដឹងខុសត្រូវ មិនអាចវែកញែករវាងខុស និង​ ត្រូវបាន សូមពន្លឺនៃព្រះធម៌ជួយ​បំភ្លឺផ្លូវចិត្ត​របស់គេឲ្យភ្លឺស្វាងឡើងដើម្បីគេចផុតពីផ្លូវអាក្រក់នោះ ៕

ផ្ទះល្វែង របស់ ខឹម វាសនា នៅសៀមរាប