អ្នកដើរចេញពីសម្ពន្ធ សរសេរដាស់តឿនអ្នកគាំទ្រលោក ខឹម វាសនា

ជូនបងប្អូន LDP ទាំងអស់បានអានលេង

ប្រហែលជាត្រូវច្រើនជាងខុស ព្រោះខ្ញុំបានសិក្សាតាមដានយ៉ាង យកចិត្តទុកដាក់តាំងតែ ពីគាត់ត្រូវបានដេញចេញពីគណបក្សសមរង្សីមកម្ល៉េះ ។

រាល់ការនិយាយពេលខ្លះ គឺ ល្អណាស់ គឺ ល្អត្រឹមបើកអង្គការ NGO បានប៉ុន្មានឆ្នាំ និយាយពន្យល់ពលរដ្ឋបានល្អណាស់ ខ្ញុំលួចសរសើរថា គ្រាន់បើមានវោហារសាស្ត្រល្អរបស់គេ ។ តែក្រោយមកត្រឹមបង្កើតបក្សដំបូង គឺ ល្អណាស់ តែជាអកុសល ប្រកួតប្រជែង​បោះឆ្នោតបាន​ ១ អាណត្តិកន្លងទៅ ចាប់ផ្តើម ថ្លាក់ចុះក្នុងការតាមដានរបស់ខ្ញុំហើយ គឺបានចាក់ធ្លុះនូវបញ្ញា លោក ខឹម វាសនា ព្រមទាំងយល់យ៉ាងសីុជម្រៅនូវសញ្ញាខន្ធរបស់លោកប្រធានបក្សមួយនេះហើយ គឺ​ចាក់ធ្លុះនូវសភាវៈអាក្រក់ចាប់ផ្តើមកើតនូវមហិច្ឆិតាខុសសម្តីខ្លួន មានធម៌អគតិលម្អៀង​ព្រោះ​ស្អប់-ស្រលាញ់-ច្រណែន-និន្នា-ឈ្នានិស-។ល។ ក៏បានចាប់ផ្តើម​ប្រើសម្តីក្បត់នឹង​យន្តការ ៨ ចំណុចមានគោលការថ្មីកឺមានតែអញ ។ ពេលនោះហើយ ទើបខ្ញុំបានកំណត់​ដឹង​យ៉ាងច្បាស់ថា ស្តាយគោលការណ៍នយោបាយមួយផ្នែកធំក្នុង LDP ដែលខ្ញុំយល់ថា អាចនឹង​ប្រមូលពល​គឺ​កម្លាំងកសាងជាតិឡើងវិញបាន ។ តែជាអកុសលចិត្តសាហាវសម្តីស្រី និងជាបុគ្គល​កំពូលអ្នកពោរពេញទៅដោយលោកធម៌ទាំង៨ ខ្វះការអប់រំចិត្ត គ្មានគ្រូណាប្រដៅ គ្មានមិត្តណា​ជួយកែតម្រង់ គ្មាននរណាមួយឱ្យមតិយោបល់ដោយដាច់​ខាត​បាន ម្ល៉ោះហើយ សកម្មភាព​ថោកទាប​ចាប់ផ្តើមកើតឡើងបន្តិចម្តងៗ យូរទៅៗក៏បានក្លាយ​ខ្លួនជា​មនុស្សត្រាស់ដឹង​នូវនិយតមិច្ឆាទិដ្ឋិ យល់ថា មួយបក្សមានតែអញ កើតនូវធម៌ទោសៈ មោហៈ និងលោភៈពេញបន្ទុក ជាមនុស្សមាន​ប្រាជ្ញាអាក្រក់ជួជាតិ ដល់កម្រិតមួយ គឺ គ្មាននរណា មានតែអញមួយគត់ គេទាំងអស់​ខុស​យកជាការ​មិនបាន ។ល។

ចាប់ពីនោះមក ចិត្តរបស់ខ្ញុំ ក៏ចាប់ផ្តើមកំណត់ដឹងច្បាស់នូវធម្មជាតិដែលមិនធ្លាប់ដឹង មិនធ្លាប់ឮ មិនធ្លាប់មានមក ក៏កាន់តែច្បាស់ឡើយថា"

ជននេះជាជនបំផ្លាញ់​ជាតិសាសន៍វប្បធម៌ ប្រពៃណីជាតិ ជាជនបន្លំធ្វើចេះទេតើ"។

ចិត្តចុងក្រោយ របស់ខ្ញុំបានចាក់ធ្លុះ នូវទង្វើពិតៗ របស់លោកមេបក្សនេះ ដោយធម្មវិន័យ​ពុទ្ធសាសនាមកថ្លឹងថ្លែងដើម្បីឈ្វេងយល់ឱ្យកាន់ច្បាស់ឡើងៗ ក៏បានកើតចិត្តដឹងច្បាស់ ឃើញច្បាស់ ឮច្បាស់ដោយគ្មានសង្ស័យមួយសំកាំង​ឡើយ​ ថា លោក ខឹម វាសនា ជានិយតមិច្ឆាទិដ្ឋិ ជាមនុស្សឆ្កួតក្នុងទិដ្ឋិ ព្រះពុទ្ធសម្តែងបញ្ញត្តិបុគ្គលប្រភេទនេះថា ទិដ្ឋុម្មត្តិកជន គឺ ជនឆ្កួតនឹងទស្សនៈ របស់ខ្លួន ។

ជននេះគ្មាននរណានិយាយជាមួយបានទេ ហេតុផលរបស់គាត់ គឺ អាត្មានិយម ។

បុគ្គលប្រភេទនេះ ពេលដែលយើងចង់សរសេររិះគន់ និងថាឱ្យពេលដែលសួរដេញ​ដោល​ទាល់ច្រក​គឺអាងធម្មជាតិដែលមាននិយតមិច្ឆាទិដ្ឋិក្នុងចិត្តគឺ ជេរប្រមាថមើលងាយគេឯង ហូរជាងទឹកទន្លេមុខ៤ទៅទៀត ។ ដូច្នេះ ជននេះគ្មាននរណាប្រដៅបានទេ គឺជាបុគ្គលឥតកែបានឡើយ ។

ខ្ញុំកាលនោះ នៅជាអ្នកបួសទេ តែរឿងអ្នកនយោបាយខ្ញុំបានតាមដានទាំងអស់ មានចន្លោះខ្លះដែរ តែដោយសារអ្ននយោបាយទាំងនោះគ្មានសញ្ញាខន្ធណាមួយ ធ្វើឱ្យខ្ញុំចាប់អារម្មណ៍លោក ខឹម វាសនានោះទេ ។

សូមសរសេរប៉ុណ្ណឹងចុះ ឱ្យក្មេងពាលនិយមជេរជា​គោលការណ៍នយោបាយ​របស់គាត់​បានដឹង​ខ្លះៗពីប្រវត្តិនៃមិនបានចូលរួមរបស់ខ្ញុំក្នុងបក្សLDPព្រោះខ្ញុំបួសរៀន មិនមែនបួសលេង​សើចទេ​កាលនោះ ។

នឹងបន្តបកស្រាយរឿងនេះបន្ថែមទៀត នៅពេលណាមួយ ដែលពលក្មេងពាល​​និយម​ជេរ ចង់ដឹងពីដំណើរការដែលខ្ញុំបានតាមដានសារនយោបាយលោក ខឹម វាសនា ខ្ញុំនឹងផ្សាយនិយាយ បន្តផ្ទាល់ ដើម្បីស្រាយបញ្ហាការត្រាស់ដឹងពីសកម្មភាព មេបក្សមួយនេះ។

២៤ ឧសភា ២០២០

អ្នកដើរចេញពី LDP