LDP ក្លាយជាមេរោគសង្គមយ៉ាងសាហាវ

     

គណបក្សមួយដែលដឹកនាំដោយលោក ខឹម វាសនា ឈ្មោះថា LDP បានចូលរួម​បោះឆ្នោត​រាល់អាណត្តិ ប៉ុន្តែមិនដែលបានសំឡេងគាំទ្រពីមនុស្សភាគច្រើនទេ មានពេលមួយនោះ​បានសំឡេង​គាំទ្រខ្លះដែរ ប៉ុន្តែលោក ខឹម វាសនា​ និង បក្សពួកបានលក់សំឡេង​ឆ្នោតទាំងនោះ​ទៅឲ្យបក្ស​កាន់អំណាច​​ដើម្បីយកលុយទៅស៊ីនំបញ្ចុក បន្ទាប់ពីនោះមក ក៏លែងបានទទួលសំឡេងគាំទ្រតទៅ​ទៀត ។ ព្រោះហេតុមិនបានទទួលសំឡេងគាំទ្រពីមហាជន ទើបគណបក្សនោះបាន​បំភ្លេចគោល​នយោបាយ ៨ ចំណុចរបស់ខ្លួនឯង ហើយបែរមកជេរប្រមាថនិងតាមយាយីស្ថាប័នសាសនាជាតិវិញ ។

ព្រះសង្ឃក្លាយជាផ្ទាំងស៊ីបរបស់អ្នកគាំទ្រ LDP តាមយាយីយ៉ាងស្វិតស្វាញ ពួកគេខំយករូបថត​របស់អតីតអ្នកបួសខ្លះដែលបានប្រព្រឹត្តខុសមកពីទូទាំងពិភពលោក មកកាត់តហើយផូសផ្សាយ​នៅបណ្តាញសង្គមយ៉ាងព្រោងព្រាតដោយពួកគេប្រើភាសាថ្មីថា ចោរថង់យាម ប៉ុន្តែចេតនា​របស់ពួកគេ គឺ សំដៅលើអ្នកបួសក្នុងព្រះពុទ្ធសាសនាក្នុងប្រទេសកម្ពុជាហ្នឹងឯង ដើម្បីបន្ថយ​ជំនឿរបស់ពុទ្ធបរិស័ទ ។ ព្រោះតែមើលឃើញចេតនាអាក្រក់​ក្នុងការបំផ្លាញ​ស្ថាប័នសាសនា​ជាតិ ដូច្នោះ ព្រះមហាភិរម្យ ដែលគង់រៀននៅទីក្រុងបាងកក បានចេញអត្ថបទឆ្លើយតបមួយទៅពួក LDP ដែលមានចំណងជើងថា LDP ជាមេរោគសង្គម មានសេចក្តីដូចខាងក្រោម ៖
មនុស្សយើងនៅពេលកើតរោគ យើងត្រូវព្យាបាល​កម្ចាត់រោគនោះ​ចោលដោយការ​ធ្វើដំណើរ​ទៅមន្ទីរ​ពេទ្យ ឬ រកថ្នាំមកលេបកម្ចាត់មេរោគនោះជាដើម យើងមិន​ត្រូវខន្តីជាមួយ​នឹងមេរោគ​នោះទេ ។ ការខន្តីជាមួយមេរោគ ស្មើនឹងការសម្លាប់ខ្លួនឯង ព្រោះមេរោគវានឹងបំផ្លាញជីវិតអ្នក ។ យ៉ាងណាមិញ LDP កំពុងតែក្លាយជាមេរោគសង្គមយ៉ាងសាហាវ សឹងតែសាហាវ​ជាងកូវិត១៩ទៅទៀត ហេតុនោះ ការកម្ចាត់មេរោគ គឺជាតួនាទី​របស់អ្នកស្រឡាញ់ជីវិត ។

ដោយសារឥទ្ធិពលនៃអត្ថបទនេះ ពួក LDP បានក្តៅក្រហាយយ៉ាងខ្លាំង មានការជេរប្រមាថ​ម្ចាស់អត្ថបទយ៉ាងខ្លាំង ប្រៀបដូចជាស្វាកំហូចនៅពេលត្រូវថ្នាំខ្លាំង​ក៏ស្រែកចេចចាច​ពេញព្រៃ​ដូច្នោះឯង ៕